今日初二，阿King祝大家財源廣進，身體健康！今次送上一條發財3串1，重心推介法甲大戰，巴黎聖日耳門（PSG）主場對摩納哥。PSG今季改由西班牙教練艾美利領軍後，表現跌Watt，冇晒過去4季一放絕塵嘅霸氣，更何況PSG近7次聯賽主場鬥摩納哥都贏唔到，必捧受讓半一嘅摩納哥下盤。（TVB 303周一凌晨4時直播）
PSG已連奪4季聯賽冠軍，但換帥即出事，皆因新帥艾美利以及上年夏天加盟嘅謝斯洛迪古斯、賓艾化等新兵，仲未融入球隊，導致水準不穩，依家只能排第3位，衞冕有暗湧。其實即使PSG之前處於高峰時期，都未能喺聯賽主場贏摩納哥，依家實力大打折扣，更難破宿命。
榜首摩納哥今季成績上升，好大程度因為回巢嘅法卡奧重生，呢位哥倫比亞國腳上場法聯盃又入波，幫球隊打入決賽，將會同PSG爭冠，今場聯賽更加唔衰得以免影響士氣。事實上，摩納哥近7次聯賽作客PSG取得2勝5和，受讓好抵玩。
加納謹慎咬唔入剛果
跟埋睇番非國盃，8強剛果民主共和國對加納，來到淘汰賽雙方比較謹慎，加上兩隊近4次交手有3次打和，剛果受讓有着數。（TVB 303周一凌晨零時直播），另一場8強埃及對摩洛哥，埃及3場分組賽都冇失波，但只入2球，開細機會高。（周一凌晨3時開賽）