葡聯盃今晚上演決賽，布拉加喺中立場對摩里倫斯。「神奇球隊」摩里倫斯先後擊敗兩支傳統勁旅波圖同賓菲加，首次打入決賽，過程如有神助，似乎係「天命所歸」，相信對手布拉加都唔敢輕舉妄動。相信摩里倫斯起碼90分鐘可保不敗，甚至贏埋都唔奇，摩軍受讓半一，下盤值得一試。（周一清晨4時45分開賽）
摩里倫斯喺葡超捲入降班旋渦，但踢葡聯盃判若兩隊，分組賽生死戰以1比0擊敗波圖，取得出線權，上仗4強更加以3比1反勝葡聯盃3連冠嘅賓菲加，唔到你唔服。事實上，摩里倫斯近5仗4勝，狀態及士氣處於巔峰，今仗受讓只因往績較差而受低估，但反而成為捧場良機。
至於布拉加雖然聯賽排名高過摩里倫斯一大截，但其實雙方近3次交手，布拉加只贏過1次，並冇明顯優勢。加上今仗畢竟係決賽，布拉加亦唔會冒進，以免犯錯功虧一簣，讓到半一太過火，一於捧對家。