今晚有成30幾場波，但阿King一樣搵到好嘢。法甲馬賽近況雖然麻麻，但球隊最近獲新老闆開水喉買人，剛剛簽入祖雲達斯老將艾拉，加上今仗對手蒙彼利埃作客6連敗，而且又有中場新星辛臣早前轉投今仗對手馬賽，此消彼長，今仗相信都係冇運行，阿King推介馬賽主勝。
（TVB 303周六凌晨3時45分直播）
馬賽早前獲得新老闆承諾開水喉買人後，主帥魯迪加西亞即在轉會市場搜購心頭好，繼早前簽入蒙彼利埃新星辛臣外，近日又獲祖雲達斯老將艾拉加盟，對球隊有積極作用。馬賽歇冬後雖然未贏過波，但近兩仗輸波嘅對手分別係前列分子里昂同摩納哥，今仗面對下游嘅蒙彼利埃，由於只得喀麥隆國腳尼積爾出席非國盃缺陣，大有機會重拾勝軌。
馬拉加博維斯塔讓得起
蒙彼利埃已經連續4場未贏過，作客更已連輸6場，前鋒洛迪古連加同阿爾及利亞中場保迪保斯因傷長抖，塞內加爾國腳蘇利文尼卡馬拉要出席非國盃缺陣，球隊為補充兵源雖已由巴黎聖日耳門借用前鋒莊拿芬伊高尼，但遠水不能救近火，今仗作客馬賽相信都凶多吉少！
其餘賽事方面，西甲奧沙辛拿主場對馬拉加，奧沙辛拿有門將紐錫佩雷斯同中場迪迪亞迪加特唔出得，面對同樣多傷兵但近期演出有改善嘅馬拉加，相信好難交出好成績，捧馬拉加上盤。（Now 632周六凌晨3時45分直播）至於葡超博維斯塔主場對比蘭倫斯，博維斯塔中場美達路斯連續兩場有波入，相反比蘭倫斯近5仗作客未贏過，今仗應無力招架。
（周六凌晨4時30分開賽）