周日澳職獨腳戲，由紐卡素噴射機主場迎戰珀斯光輝。噴射機上仗反勝布里斯班獅吼3比2，不過佢哋今季14仗聯賽得1場冇失波，防線唔多掂。反觀光輝近3仗作客面對包括「墨爾本雙雄」等前列球隊都能保持不敗，狀態同樣唔錯，今仗捧中位數2.5球嘅入球大啱數。（有線64及203台周日下午2時直播）
上季無緣季後賽嘅噴射機今季演出明顯有進步，自12月初開始嘅5場聯賽，只曾不敵聯賽榜「二哥」墨爾本勝利，其餘4仗錄得3勝1和，包括上仗反勝獅吼3比2及曾以2比1作客擊敗今仗對手光輝，球隊狀態同信心都穩步上揚。不過，要留意噴射機以上5仗聯賽場場都有失波，開季至今14仗聯賽亦只得1仗可以保住清白之身，球隊僅靠火力搭夠，防線絕對談唔上穩健。
光輝作客醒過主場
光輝最近嘅聯賽敗仗都屬主場賽事，反而作客更有利發揮，佢哋近3仗聯賽作客先後打和勝利、墨爾本城同埋西悉尼流浪者。而且單計聯賽，光輝近4次常規賽作客噴射機錄得全勝佳績，既然兩軍近期賽事頻頻同對手合演入球騷，今仗一於追中位數2.5球嘅大盤。