今晚英格蘭足總盃頭場英冠球隊富咸主場對熱刺，熱刺表面上大量不利條件，包括球隊2連敗，主力前鋒哈利卡尼歐霸盃又被撞傷，今仗會避戰，不過領隊普捷天奴已經將熱刺改造成一支打整體嘅球隊，一個哈利卡尼唔代表啲乜，加上普捷天奴自2014年執教熱刺而嚟，兩連負之後必定反彈贏波，呢條黃金攤路絕對信得過，捧1.7倍客Ｗ。（LeSport HK應用程式周日晚10時直播）
普帥接手未試過3連敗
熱刺少帥普捷天奴2014年開始執教熱刺，起用年輕球員打江山，慢慢培養出自己班底，令呢間北倫敦球會成為具備爭錦標能力嘅球隊，包括2015年進身聯賽盃決賽，上季更殺入英超前4，功力毋須懷疑。
熱刺現時遇到任何對手都唔會驚，事實上喺普捷天奴執教之後，熱刺從未試過3連敗，包括上年11月歐聯不敵摩納哥及英超不敵車路士後，跟住就大炒史雲斯5比0，今次對手富咸實力比史雲斯更低，而且最近10次交手熱刺贏足富咸8次，所以熱刺兩連敗喺渡邊年眼中反而係搵着數良機。
今場更加正斗嘅係，普帥事先張揚會收起哈利卡尼，呢個消息令到熱刺客Ｗ由初盤嘅1.63倍，退熱到截稿前嘅1.7倍，大家依家睇住份報紙，可能再好分啲都唔定，絕對抵買啦！