啱啱喺歐聯經歷恥辱性敗仗嘅巴塞隆拿，今晚西甲返主場迎戰弱旅雷加利斯，一眾「箭靶」球星肯定會大踢爭氣波盡數發洩！歐聯夢幾近幻滅後，巴塞將喺西甲出盡全力追趕榜首皇家馬德里，佢哋喺魯營球場出擊往往能靠強大聲勢大開殺戒，「讓球主客和」巴塞隆拿讓兩球濕濕碎，直取巴塞1.68倍讓球主勝！（Now 632周一凌晨3時45分直播）
未計今輪，巴塞隆拿多踢2仗下落後皇馬1分，為向呢支榜首球隊施壓，嚟緊每場比賽都係1分不能少，事實上巴塞近8仗聯賽拎到6勝2和不敗佳績，上星期更喺作客6比0大炒艾拉維斯，「MSN」組合美斯、蘇亞雷斯同尼馬齊齊有士哥，不過上周中歐聯吞巴黎聖日耳門4蛋後，球員到教練都被插到體無完膚，今仗唔爭氣仲等幾時？
同時，佢哋近期主場賽事霸氣十足，最近8仗喺魯營球場出擊嘅比賽拎到7勝1和佳績，全部都喺半場已經領先，之後再大開殺戒，當中6場最終贏對手至少3球，今仗要「-2」都完全唔係問題呀！
雷加利斯近6戰未贏過
雷加利斯已跌入降班漩渦，而且近況極差，近6仗聯賽只得2和4負成績，依照走勢極可能要喺下季降回乙組。雷加利斯近3仗聯賽均以0比2輸波，面對主場極惡嘅巴塞隆拿，輸3球係最低消費啦！