費倫拖連奴鋒9大駁火
阿King今次重心推介意甲費倫天拿主場對拖連奴，兩隊波鋒線上同樣有一對「最佳拍檔」，費倫「9＋10」卡連歷、貝拿迪斯治能傳擅射，至於拖連奴「9＋14」比洛迪、耶高法爾基更加已合共轟入27球。雙方都有進攻猛將助陣，入波機會自然大增，中位數2.5／3球都要入球大。
（TVB 302周二凌晨3時45分直播）
唔講唔知，原來費倫天拿今季意甲主場仍然保持不敗，近6場聯賽主場更取得4勝2和，包括打和拿玻里3比3，同埋以2比1擊敗榜首祖雲達斯，主場威力絕對唔嘢小。而「紫百合」最煞食武器必數9號仔射手卡連歷，同埋10號翼鋒貝拿迪斯治，兩人聯賽分別已有11球及10球進帳，日前傳出中超球會天津權健想簽卡連歷，但被呢位克羅地亞國腳拒絕，可見佢非常專注為費倫搏殺。
阿洛卡主場特醒博反彈
至於拖連奴出名有前冇後，今季25場聯賽入46球，但都失咗40球，球隊最引以為傲係有9號仔射手比洛迪，呢位意大利國腳已轟入17球，中場耶高法爾基都入咗10球，當然要好好利用自身本錢，作客都唔怕同費倫鬥攻。
另外，葡超阿洛卡主場對比蘭倫斯，阿洛卡一向靠主場搶分，近3場聯賽主場贏兩場，經過作客兩連敗後，今場返到自己地頭係時間反彈。法乙方面，蘭斯中場簡卡華、後衞咸馬利查奧爾停賽，加上近3場主場未贏過，讓唔起榜首雄師比斯特。