再鬥史浩克熟晒路
另一場歐霸16強次回合「德甲內訌」，由慕遜加柏返主場再鬥同國勁敵史浩克04。首回合雙方打成1比1平手，慕遜加柏情況同曼聯一樣，手握1個作客入球喺手，今仗就算悶和0比0都夠晉級，兩軍喺國內對到熟晒路數，慕遜加柏主場出擊夠晒條件歎慢板，2.15倍嘅半場和絕對抵玩。
（FoxSports Play周五凌晨4時05分直播）
近4次交手半場未分高下
慕遜加柏自從由新帥赫基接手後，球隊表現明顯有起色，單計近6仗比賽就錄得4勝1和1負，當中有5次開出半場和，包括之前兩鬥史浩克04，事實上兩隊近4次交手全部都係半場未分高下，證明雙方摸熟晒對方套路。
作客嘅史浩克04要出線嘅話，今仗必須要爭取到入球，但係球隊近7仗只係得1勝4和2負成績，狀態認真麻麻，面對擅於玩拉布嘅慕遜加柏，未必咁易搵到破敵之法，相信初段但求企穩陣腳唔失波先算，今仗半和有成2.15倍，值得再追。