法甲兩大勁旅摩納哥同巴黎聖日耳門周日凌晨法聯盃決賽交鋒，兩隊實力不相伯仲，不過摩納哥殺入歐聯8強後愈戰愈勇，對住巴黎聖日耳門未驚過，摩納哥受讓咁筍梗係要捧讓主[+1]啦！
（TVB 303周日凌晨3時直播）
摩納哥目前喺法甲騎住巴黎聖日耳門做「一哥」，而且喺歐聯踢走曼城殺入8強，陣中新星狀態同士氣都去到巔峰，當中包括近5仗入7球嘅「新亨利」基利安洛天。何況摩納哥近3次對住巴黎聖日耳門有2勝1和不敗佳績，自然更加值得睇好。
聖日耳門今季由艾美利執教，已經冇咗「超班」嘅感覺。而且幾位南美兵迪馬利亞等周中先踢完世盃外，再山長水遠返法國備戰，體力或受影響，要贏摩納哥真係唔容易。