英超進入最後衝刺階段，車路士周中快車擊敗強敵曼城，榜首優勢維持7分，但由於次席嘅熱刺緊纏唔放，車仔今晚作客般尼茅夫不容有失。般尼茅夫係下游球隊中攻力最強球隊，即使對住強隊踢法都絕不龜縮，鬥攻格局下，樂比今場撐中位數2.5球嘅1.72倍入球大。
（Now 621及LeSports HK應用程式周日凌晨零時30分直播）
雖然車仔目前優勢尚算明顯，問題在於下周要作客「紅魔鬼」曼聯，存在失分機會，另一邊廂最大競爭對手熱刺則連續兩場主場出戰，若今仗有所差池，將會令距離縮窄，領隊干地盤算過，自然知道今場要搏命，即使周中快車剛砌完曼城，今場毫無疑問會以最強陣容出戰，右翼衞域陀摩西斯有機會傷愈復出。
般尼茅夫遇強照搶攻
不過般尼茅夫一向唔易啃，周中利物浦已經中招，主場畀般尼茅夫逼和2比2。事實上般尼茅夫之前對強隊不乏佳作，其餘3隊Big 6熱刺、阿仙奴及曼聯都曾經喺般尼茅夫身上失分，而且經過早前沉淪後，般尼茅夫已經連續5仗不敗全面回勇，所以車仔今場亦唔係話贏硬，客Ｗ得1.48倍嚟睇真係一啲都唔抵玩。
幸好般尼茅夫風格明顯，就係唔會死守，一味同對手鬥攻，今季曾出現多場經典戰役，例如主場贏利物浦4比3，和阿仙奴3比3同埋大勝侯城6比1都令人津津樂道，單計入球數字，般尼茅夫今季聯賽已攻入44球排第7，仲叻仔過曼聯，以一支中游球隊嚟講真係非常出色。
睇番兩隊今季都係較旺大盤，車路士開出大盤比率為66.7%，而般尼茅夫亦有58%，首循環車路士主場輕取般尼茅夫3比0，都有3球進帳，所以今場不妨再向中位數2.5球嘅大盤埋手。