薩普斯堡大盤嗒得洛
今晚挪威有場榜首大戰，「二哥」薩普斯堡主場對洛辛堡。薩普斯堡今季火力強勁，聯賽5仗共入14球，上周中盃賽更大炒對手10比1，球員個個着晒火，對住洛辛堡都唔怕鬥攻，2.5球中位數嘅大盤，隨時半場就已經收錢。
（周二凌晨1時開賽、馬會網上文字直播）
今場屬新勢力對傳統勁旅，薩普斯堡雖然喺挪威歷史都算悠久，但之前多喺中下級聯賽角逐，直至2008年，兩支喺薩普斯堡嘅球隊薩普斯堡斯巴達同薩普斯堡FC合併，集中資源大搞，到2011年就升上挪超角逐。
雖然薩普斯堡自升上挪超後，11次對住洛辛堡只得2和9負，但今季情況唔同晒，球隊兩名主力攻擊手丹麥前鋒摩達臣同10號仔莊拿斯連貝治夾到飛起，上周聯賽大炒基斯迪辛德5比1，當中有4個入波同佢哋有直接或間接關係。依家薩普斯堡只係落後洛辛堡1分，今場贏到對方就會過頭升上榜首，係球會自2008年合併後首次做頂級聯賽「一哥」，背後有咁大動力，主場對住洛辛堡唔怕對攻，捧大盤！
卡斯洛達主W夠「安」心
同晚場俄超卡斯洛達主場對安治，卡斯洛達雖有門將加利斯約克缺陣，但近4次主場對安治全勝，格食格自然秤先；至於比甲附加賽布魯日對華雷根，華雷根上輪主場都全程捱打輸波，狀態同實力均唔及主隊。布魯日現時排第3，想取得下屆歐聯入場券必定要爭入前2，主場必大炒搶分，捧讓球主勝。