今晚另一場英超大戰，力爭歐聯入場券嘅曼城作客鬥護級球隊米杜士堡。曼城上周末喺英足盃4強加時不敵阿仙奴，領隊哥迪奧拿教波咁耐首次冇錦標落袋，依家佢唯一目標就係保住前4取得來屆歐聯參賽資格。排第4嘅曼城目前比多打1場嘅利物浦少1分，主動權喺自己手，為免夜長夢多今場肯定一開波即搶攻。米堡上場雖然以1比0擊敗新特蘭，終止16場聯賽不勝走勢，但對手實力太弱不足為據，事實上米堡近10仗7次輸波都係上半場已經落後，今仗想頂半場都唔易，1.62倍半場客勝好路。
（Now 622及LeSports HK應用程式周日晚9時05分直播）