今晚英超頭場由「紅軍」利物浦主場迎擊「聖人」修咸頓。利物浦上仗擊敗屈福特後搶番「前4」嘅主導權，事關曼城、曼聯同阿仙奴上輪都失分，只要佢哋贏晒最後3輪聯賽，就肯定拎到來季歐聯資格，戰意相當高昂，今仗喺晏菲路主場出擊不勝無歸，分分鐘大捷而回，亞洲盤讓一球，上盤夠穩陣。
（Now 621及LeSports HK應用程式周日晚8時30分直播)
利物浦上仗雖然有進攻主力菲臘比古天奴中途傷出，但仍憑安利簡恩靚絕倒掛入波贏屈福特全取3分，而古天奴賽後亦報平安話自己問題不大，紅軍粉絲大可放心，更重要係傷愈後備入替嘅拉爾拉拿，出奇地極速上力，炮製多次具威脅埋門，再者「紅軍」依家只需要專心踢埋最後3場聯賽，備戰充足，再出意外機會唔大。
修咸頓冇嘢爭等放假
作客嘅修咸頓自後防重心華基爾雲迪積克重創後，防線穩健程度大不如前，單計近8仗聯賽就失咗13球，況且自英聯盃決賽飲恨後，喺聯賽既無降班危機，班球員話唔埋等聯賽完結放長假，難免鬥心不足，近4仗聯賽對車路士、曼城及熱刺等Big 6球隊全部輸晒，難擋力爭前4嘅利物浦來襲，呢個上盤不容錯過。