今日有多場日聯盃賽事上演，當中B組榜首神戶勝利船主場對甲府風林，最值得留意。勝利船踢日職一條蟲，但盃賽就「龍咁威」，球隊喺日聯盃愈戰愈勇，3戰全勝入7球僅失1球，盡顯想搶盃嘅野心，相信半場足以攻陷甲府風林防線，捧1.92倍半場主勝。
（周三晚6時開賽）
神戶勝利船今屆3場日聯盃，包括以2比0輕取上屆4強分子橫濱水手，大勝廣島三箭4比1及羸鳥棲砂岩1比0，而且3場都係半場已經領先，由頭贏到尾，充滿說服力。對手甲府風林雖然早前聯賽贏過神戶勝利船，但盃賽表現令人失望，日聯盃3戰只得2和1負，而且係分組14隊之中，唯一仍未取得入球嘅球隊，明顯志不在此，隨時放軟手腳。
柏雷素爾玩留力難發「維」
同時間開波嘅A組賽事，仙台維加泰主場鬥柏雷素爾，維加泰自從首場分組賽吞FC東京6蛋後，知恥近乎勇，近3場日聯盃全勝殺上榜首，士氣極為高昂。柏雷素爾重聯賽多過日聯盃，早前日職連贏3仗後，上輪日聯盃對磐田山葉派副選上陣，結果主場都輸1比2，小心今場又玩留力，讓波有危機，捧番仙台維加泰1.67倍讓球主勝。