今晚亞冠盃16強首回合爆發「中日大戰」，由中超班霸FC廣州（廣州恒大淘寶）主場迎戰日職勁旅鹿島鹿角。恒大巴西3寶荷西保連奴、阿倫卡華路及列卡度高拉特火力強勁，但鹿角為爭作客入球唔會死守，預計呢場入球騷一觸即發，中位數2.5球嘅1.68倍入球大有買趁早。
（Now 671及Fox Sports Play周二晚上8時直播）
每逢亞冠開波前，恒大都會發布自家海報造勢，今次佢哋嘅主題就係「鹿死誰手2」，其中個「手」同「2」字用咗恒大球員一次死球戰術嘅跑位入波而砌成，「2」字係指今仗是繼2015年亞冠分組賽後，恒大再次主場迎戰鹿角，嗰次佢哋主場就係贏4比3，擺明係想再度令「鹿死」嘅爭勝決心，頗有心思。事實上，恒大進攻極度倚重巴西3寶荷西保連奴、阿倫卡華路及列卡度高拉特，3人合共包辦恒大今屆18球中嘅12粒，其中阿倫卡華路有5球位列亞冠盃射手榜次席，今仗必藉地利搶攻。
鹿角後防雙將或缺陣
鹿角有3大主力遠藤康、里奧施華及植田直通受傷好大機會缺陣，其中施華同植田更係防線重心，佢哋唔出得難免會影響防守。不過鹿角上仗聯賽收起大部分主力輸畀川崎前鋒，明顯為留力打呢場，既然防線問題多多，今仗隨時以攻代守，特別係射手鈴木優磨與金崎夢生，佢哋喺今屆已合共攻入7球，令呢支日職勁旅在近5仗亞冠盃喪轟11球，全部總入球皆開3球或以上，預計佢哋作客都唔會縮，中位數2.5球大盤穩陣。