往績佔優Vs矢志復仇
今晚英超迎來最重磅大戰，兩支不敗之師利物浦同曼城正面交鋒。紅軍近來狀態滑落，聯賽及盃賽合共已3場不勝，但唔好忘記紅軍對上一次聯賽主場輸波已經係前季，加上曼城去親晏菲路球場都冇運行，利物浦今場反彈一啲都唔奇，既然兩隊都擁有咁強鋒力，一於捧2.5/3球入球大。
（Now 621周日晚11時30分直播）
利物浦上季對曼城可謂攞盡彩，除聯賽主場贏4比3，歐聯8強兩回合亦雙殺對手，令曼城領隊哥迪奧拿面目無光，睇番曼城作客利物浦成績可用慘不忍睹嚟形容，除近6次全敗外，對上一次喺晏菲路贏波已經追溯到15年前，難怪曾經喺多蒙特時代追隨過高普嘅曼城中場根度簡都話，今場係全季最難踢嘅一場。
不過，利物浦今場要贏又唔係想像中咁易，一來球隊連踢3場硬仗，上周中歐聯作客拿玻里更不敵0比1，而且表現嚴重走樣，二來曼城上季輸得咁慘，連球員巴士都遭受利物浦球迷攻擊，今次定必有備而來，故今場勝負係存在一定變數，平手盤兩隊都有能力致對手於死地，倒不如改玩大盤。
睇番兩隊交手確實極旺大，除上季4次交手都全開大外，利物浦近6次主場對曼城亦有5次開大，加上兩隊係英超入球第1、第2多嘅球隊，曼城平均每場入球更高達3球，今場上演入球騷似乎相當合理。
迪布尼傷愈博埋半場大
曼城賽前亦傳嚟好消息，就係奇雲迪布尼有機會傷愈復出，絕對為曼城打下強心針，曼城陣中人才濟濟，前鋒阿古路腳風頗順，今季已入5球，而利物浦方面「埃及文明」依然係入球保證，3人合共攻入9球，除全場入球大外，今場不妨向半場1/1.5大埋手，事關利物浦近6次主場對曼城亦有5次半場入兩粒以上。