英超好料：拖肥遇槌仔勢鬥「大」

英超好料：拖肥遇槌仔勢鬥「大」

英超賽程已過了近四分一，有幾多球迷會估到曼城、阿仙奴和利物浦會以同分姿態分列頭三位，車路士及熱刺也只以一分緊隨其後，五強之外，排第六的不是曼聯，而是由朗奴高文領軍的愛華頓！拖肥相對幾支前列隊來得低調，戰力卻毫不遜色，周日早場面對韋斯咸，可望合演入球騷，決敲中位數[2.5/3球]的入球「大」。
韋斯咸上周屢失良機，到補時才帶點運氣地絕殺新特蘭，今周即刻掉轉槍頭，主要是對手不同。愛華頓在朗奴高文改造下變得更穩陣，球隊也韌力十足，不過最近陷入小低潮，已是三場不勝，包括上周作客不敵般尼，叫人失望。愛華頓與熱刺相近，靠穩健防線爭取成績，目前九戰只失八球，防守力與修咸頓並列，只排熱刺之後，強如曼城及車仔等也不及。
可惜拖肥過於倚賴盧卡古，有他入波的比賽錄得兩勝兩和，但只要他腳頭無靈，戰績是兩勝兩負（有一仗並無上陣）；球隊次席射手已是中場巴利，就得兩球咁大把。幸韋斯咸後防不算集中，上仗面對單箭頭迪科爾也有點手忙腳亂，今次要盯死盧卡古，恐怕力有不逮。考慮到愛華頓近五場聯賽都有失波，讓到半/一的話，寧取[2.5/3球]的入球「大」。
波迷留意周六是最後一個夏令賽日，到下周日（30日）歐洲主要聯賽都延後一小時舉行。周六早場仍是七點半開波，由阿仙奴作客新特蘭，「黑貓」有幾差不必再講，以兵工廠的強大攻力，加上基奧特復出，正宗開餐格，難得馬會開「讓球」盤，讓一球/球半可當是半個博一個，去馬！