英超攻略：狼隊士氣盛平手可拆「紐」
周日英超獨腳戲，紐卡素於聖占士迎戰狼隊，兩位拉丁領隊賓尼迪斯及紐奴正面交鋒。雖然喜鵲擺脫季初頹勢，聯賽排名已上升，但客軍狼隊今季整體上驚喜更大，多名葡籍球員默契佳，周中又剛挫強隊車路士重拾信心，平手盤值敲，至少坐走望贏。（球賽編號：星期日25；now621台明日0:00am直播）
開季10輪聯賽不勝的紐卡素，11月初在屈福特身上開齋後，豪取三連勝脫離降班區，但最近又稍回落，上周中作客愛華頓搶得一分固然值得鼓掌，但前一輪在主場慘吞韋斯咸三蛋，也反映了球隊近年水準飄忽，是他們無法力爭上游的主因。肥賓採用5-4-1陣式守拖肥，攻守調度得宜，但今輪因中堅法比安舒哈停賽，反迎來馬特列治及羅拔堅尼地兩位進攻球員復出，加上主場出擊，肯定復用4-4-1-1，希望靠側擊來搶佔主動，但面對狼隊的3-4-3陣式，隨時爭輸中場，遭反客為主。
早前6戰1和5負的狼隊，上周中意外反勝車仔止瀉，擊倒強隊對士氣復元效果加倍，而且今季整個戰術體系及球員配合都比較完整。不只車仔，多支強隊都曾栽於他們手中，曼城、阿仙奴及曼聯都只能賽和狼隊。雖然他們近期作客白禮頓及卡迪夫城兩支同為中型班的球隊都落敗，但盤路方面，這兩場比賽都讓對手，實在難捧場，今次作客紐卡素只開平手盤，就如今季作客贏水晶宮及韋斯咸的兩場比賽一樣，值得再投他們信心一票。