英冠攻略：打比郡爭升班必伐林
周一英冠「獨腳戲」上演中部打吡，由打比郡迎戰諾定咸森林。雖然兩隊都要搶分爭直接升班位，但由於打比郡一對前鋒哈利威爾遜及積克馬利諾都腳風甚順，而且對賽往績佔優；「讓球」打比郡讓平/半，照捧上盤。
打比郡今季轉由前車路士中場球星林柏特掌帥，表現可人，本輪前以21戰得37分排第5，分別落後榜首的列斯聯及次席的諾域治8及7分。由於打比郡今季的目標是升班，為免夜長夢多，球隊都希望可以爭取前兩名的直接升班位，故今役必拼。人腳方面，打比郡今役雖續缺後衞居迪斯戴維斯及奇治科斯等，但一對前鋒哈利威爾遜及積克馬利諾腳風甚順，今季在聯賽分別有7球及6球進賬，配合主力如湯馬士羅倫斯及侯度史東等，今役入球有保證。
諾定咸森林目前以21戰得34分排第七位，少第六位的米杜士堡兩分但少踢一場，亦要搶分爭三至六位踢升班附加賽，而球隊近6場亦獲3勝2和1負。不過，森林今役未能「夫添」，除缺後衞森拜林及中場達治斯迪斯等外，左閘積克羅賓遜亦料繼續缺陣，加上入球過份集中在前鋒加比賓身上，令對手容易防守。值得留意的是森林近仗訪打比郡表現亦麻麻，近5次到訪只得1勝4負，今役就算受讓，亦不宜過份高估，還是捧打比郡上盤著數。