日職大勢：撐飛腳摘花稱霸大阪
周六日職頭場會上演大阪櫻花主場對大阪飛腳的打吡大戰，飛腳近年專剋櫻花，今場即使作客仍有望再上演「下剋上」，受讓平/半捧下盤。（球賽編號：星期六3；有線662台今日1:00pm直播）
櫻花與飛腳現時排日職第6及第12位，不過飛腳近年每逢在大阪打吡都大打爭氣波，由2012年至今在聯賽對櫻花未嘗一敗，近四次聯賽碰頭更取得全勝。飛腳近期有止跌回勇之勢，先在日聯盃淘汰FC東京，在聯賽又擊敗鳥棲砂岩，暫逃離護級漩渦。球隊早前簽入的前西班牙國腳馬高蘇沙亞達（圖）上場已地標上陣，預料是役繼續有機會落場。
至於櫻花近期表現同樣不俗，聯賽取得四連勝，不過球隊在上星期的日皇盃16強被淘汰，各項賽事五連勝告終。傷兵方面，中場清武弘嗣現時仍缺陣，不過射手般奴文迪斯上星期已經正選復出。
同日另一場有廣島三箭迎戰名古屋鯨魚，鯨魚在周一辭退教練風間八宏，由意大利教頭費卡丹迪接任，兩位教頭的足球風格可謂一攻一守，球隊可能無法在短時間內適應戰術上的轉變。不過廣島三箭近況「半斤八両」，各項賽事四戰不勝，加上今季球隊鋒線失靈，開季至今聯賽僅入33球，今場難大炒對手，敲「入球大細」中位數[2.5球]的「細」。
