德乙攻略：撐史特加上盤拆「紐」
周一德乙獨腳戲，力爭重返德甲的史特加迎戰下游的紐倫堡。兩支球隊同樣於今季降落乙組，但成績卻大不同，史特加現時穩守前列，而紐倫堡已經身陷護級漩渦，加上聯賽七場不勝，主隊讓半/一亦唔嫌多，撐上盤。
上輪史特加作客鬥辛特侯遜，上半場早段已經連失兩球，雖然尾段有前鋒華曼基杜卡射入12碼追近，但難逃落敗厄運。今仗重返主場，為力追海登咸及漢堡，今仗必全力爭勝。今季球隊8場主場聯賽取6勝2負，勝率高達七成半，足見主場威力。今季史特加勝在入球點夠分散，艾加迪奧爾、尼高拉斯干沙利斯，以及華曼基杜卡等前鋒都有一定入球能力，加上卡斯特羅及迪達維等有豐富德甲經驗球員在陣，實力絕對在紐倫堡之上。
至於在上季德甲全季只得三勝的紐倫堡，降落乙組亦未見起色，開季15場比賽只得3勝。而且，球隊近況不濟，各項賽事已八場不勝。雖然球隊攻力不俗，但防守非常一般，場均失近兩球，今仗鬥矢志爭勝的史特加料難逃一敗。
