西班牙盃第4圈今晚繼續上演，班霸皇家馬德里首度登場，周五凌晨首回合作客西丙球隊富恩拉巴達。兩隊實力差天共地，皇馬即使派副選出戰，贏波亦幾成定局，問題只係贏幾多球。皇馬近年新星輩出，小將質素有保證，大細中位數3.5球，一於博皇馬大勝追1.68倍入球大。
（周五凌晨3時30分開賽）
皇家馬德里近期培育出馬高阿辛斯奧及盧卡斯華斯基斯等新星，球隊青年軍亦招攬咗唔少人才，今仗縱使唔會派C朗、賓施馬等主力出戰，但係以西班牙天才新星丹尼施巴路斯為首嘅副選亦好有睇頭。翻查數據，皇馬近5次喺西盃面對非西甲球隊都可以大勝，5場賽事總入球均達4球或以上。
富恩拉巴達質素差幾班
富恩拉巴達係西丙球隊，陣中主力一係太老一係太年輕，好似加納前鋒安洛亞得19歲，後防主將丹尼爾戴亞斯則已經38歲，今仗面對皇家馬德里嘅生牯仔未必頂得順，加上質素有相當差距，大敗一場絕對唔出奇。