今輪意甲壓軸之戰，維羅納主場對國際米蘭，雙方實力相距懸殊，國米屬於今季爭標分子，兩隊近8次交鋒，國際米蘭獲得6勝2和的壓倒性優勢，相信國米今仗可大炒對手，直取讓球客勝。
（無綫myTV SUPER 302周二凌晨3時45分直播）
國際米蘭今季由名帥史巴列堤率領下，表現脫胎換骨，10仗聯賽取得8勝2和，勝率高達80%。前鋒莫路伊卡迪狀態大勇，上仗梅開二度，近3仗射入5球，呢位阿根廷國腳今季意甲已經轟入11球，以維羅納嘅脆弱防線，恐怕抵擋唔住佢。
維羅納遇強即屈
維羅納今季10仗聯賽僅得1勝3和6負，主場面對兩支前列勁旅拿玻里、拉素，都淨輸2球或以上，可見地利對佢哋幫助唔大，今仗遇上國際米蘭，好可能又會大敗。