世盃外歐洲區附加賽首回合，北愛爾蘭今晚先喺主場火併「十字軍」瑞士。作客嘅瑞士屬於今屆附加賽中成績最好球隊，10場分組賽贏咗9場，如果咁樣出局真係冇乜天理，好在佢哋對手北愛爾蘭實力唔算太強，以瑞士嘅強勁作客表現，絕對有力先拔頭籌，客勝要捧！
（有線64及203台周五凌晨3時45分直播）
北愛爾蘭喺世盃外C組拎到次名，好大原因係抽到靚籤，同組有阿塞拜疆同聖馬力諾2隊弱旅，另外2隊係青黃不接嘅捷克同挪威，事實上北愛本身實力唔算一線，除莊尼伊雲斯、麥奧尼、史提芬戴維斯等小量英超兵之外，大部分以英冠同蘇超球員做班底，老將艾朗曉士賽前更受傷，可能缺席呢場關鍵大戰。
近7作客贏6場
相反，作客嘅瑞士本來喺小組9戰全勝，只可惜佢哋競爭對手係葡萄牙，最後1仗輸波即痛失直接出線權，不過瑞士擁有梳頓沙基利、格列沙加等當打球星，戰鬥力唔需要懷疑，何況「十字軍」客場出擊特別醒，連上屆在內，近7仗世盃外作客錄得6勝，今仗客勝不容錯過。