周末又等阿King貼番啲筍料畀大家。周日凌晨國際熱身賽西班牙將會喺主場迎戰哥斯達黎加，狂牛軍團前鋒人選一直未有定案，一班候選球員為爭上位勢用入球向主帥獻媚，肯定捧2.5球大盤，加埋英甲唐卡士打大同巴拉福特細，三串一有5.4倍唔好錯過。
西班牙近排前鋒表現甚佳，年級較大嘅伊亞高艾斯巴斯聯賽近4仗入6球，不過都不及洛迪高摩連奴咁弗，近9次為球會上陣入咗8球，幾乎場場入波，不過領隊洛佩特吉嘅首選肯定係車路士嘅艾華路莫拉達，皆因佢近4仗代表國家隊上陣入咗4球，表現肯定有保障，個個前鋒腳風都咁順，面對實力低幾班嘅哥斯達黎加，想大炒話咁易。
（Now670及FoxSport Play周日凌晨4時30分直播）
串唐卡士打大巴拉福特細
另外仲有兩場英甲，洛達咸近4客戰都開3球或以上，呢場作客唐卡士打肯定再會有大手筆交易。最後聯賽包尾嘅普利茅夫近5仗都開2球或以下，嚟緊客場挑戰近3仗都旺細嘅巴拉福特，入球細機會大咪走雞。