主場砌乙組仔阿克寧頓
周三凌晨英錦標連場好戲，阿King又有介紹幾場筍嘢醒大家；英甲韋根今季各項賽事表現都夠弗，近8仗主場不敗兼取得7勝佳績，今晚喺英錦標主場面對英乙球隊阿克寧頓，有望乘勢再下一城晉級，仲有巴拉福特入球大同梳士貝利讓球主勝，3串1有分頭博得過。
前幾年仲喺英超揾食嘅韋根，繼15/16賽季後再次跌到落英甲，不過球隊今季各項賽事表現有板有眼，近8仗主場不敗之餘，更豪取7勝兼只失2球，表現超班，現時位列英甲第2，盡顯球隊重返英冠嘅決心。韋根於英錦標1勝1和於北部B組排名第2，為爭出線，今場面對低一班嘅阿克寧頓有望乘勢追擊，2.35讓球主勝值得捧場。
洛達咸防線穿窿捧大盤
另外北部F組巴拉福特主場對洛達咸，巴拉福特前鋒阿歷士鍾斯喺英錦標表現搶眼，兩戰全勤兼場場入波，反觀對手洛達咸防線穿窿，近4場比賽失咗11球，今場入球大相信冇走雞。最後北部E組梳士貝利主場對華素爾，英甲1哥梳士貝利近5仗主場贏晒兼1球不失弗到漏，作客嘅華素爾表現飄忽預計無力反抗，讓球主勝捧得過。