今晚英超嚟個「Super Sunday」，叫得呢個名梗係唔簡單，先嚟「1哥」曼城主場鬥阿仙奴；壓軸好戲車路士喺史丹福橋大戰曼聯，兩場波絕對影響今季爭標形勢，單睇4大名帥點部署諗計殺敵，已經值回票價！
今晚英超Super Sunday第1擊，將會由喺聯賽榜放頭嘅曼城，主場迎戰阿仙奴。曼城今季各項賽事已經16場不敗，領隊哥迪奧拿嘅控球打法步入收成期，表現極具冠軍相，但「藍月亮」上仗喺歐聯作客要同意甲勁旅拿玻里搏到盡，相反阿仙奴上仗歐霸領隊雲格繼續輪換，畀一眾主力抖到夠，曼城體力肯定輸蝕，況且「兵工廠」近10次同曼城交手9次不敗，絕對可趁機偷雞，受讓一球嘅2.65倍讓球客勝咁好分頭咪走寶！
（Now 621同LeSports周日晚10時15分直播）
曼城開季至今喺英超10戰攞咗28分，上一隊能夠做到呢項佳績嘅，正係6年前嘅曼城，當年佢哋亦順利封王，依家成為奪冠大熱有晒根據。曼城今場除長期傷兵班捷文文迪同高柏尼繼續倦勤外，陣容尚算完整，但啱啱喺歐聯遠征意大利同拿玻里惡鬥完，體力損耗點都較大，可能成今場隱憂。
近10次對賽阿仙奴只1敗
曼城今季「遇神殺神」，但其實都唔係冇弱點，愛華頓同英冠嘅狼隊就先後喺英超同聯賽盃作客90分鐘內逼和過曼城，後者更搞到曼城領隊哥迪奧拿「發晒老脾」，話個波太輕影響球隊發揮喎。無論如何，呢兩場波絕對值得阿仙奴參考，再加上「兵工廠」近10次對「藍月亮」只輸過1場，不敗率驚人，今場更有後衞哥拉辛拿斯傷愈復出擔正，阿仙奴今場搶到分唔係妄想，讓球客勝有好分頭，絕對值得一試。