自由盃決戰搶頭威
周中除咗歐聯之外，仲有好多好波值得關注，等我阿King過番啲好路數畀大家。南美自由盃甘美奧喺主場迎戰拉魯斯。首次殺入自由盃決賽嘅拉魯斯，實力同經驗肯定冇巴甲老牌勁旅甘美奧咁標青，加上客戰疲弱，首回合1.6倍主勝捧得過，仲有英冠狼隊同葉士域治齊齊揀入球大，3串1乘埋約5.68倍博得過。
南美自由盃打到決賽，作為巴甲傳統強隊，甘美奧繼2007年後，今屆再次躋身決賽絕不令人意外，皆因球隊班底非常有質素，除咗有曾經效力德甲多蒙特嘅巴里奧斯之外，仲有今屆表現出色、至今射入7球嘅盧恩古靴美。反觀對手拉魯斯喺阿甲都只算係中型班，入到決賽相對令人意外，球隊今屆全力搏盡備戰自由盃，但佢哋自由盃作客唔掂，近2場更加輸晒，征戰巴西睇怕難逃一敗，都係等次回合返主場再搏好過。
串狼隊葉士域治大
另外，葉士域治近4場聯賽都開3球或以上，入球大值得追捧。同樣旺大嘅仲有作客狼隊嘅列斯聯，佢哋近6次客戰全開3球或以上，加上狼隊射手里奧邦拿天尼近期腳風順到冇朋友，呢場入球大唔好錯過。