排第5位嘅托盧卡首回合先於主場鬥第4名嘅莫雷利亞。莫雷利亞可以講係今季墨超春嘅作客王，9仗聯賽作客取得6勝1和2負，包括作客擊敗今仗對手托盧卡，預計有足夠本錢反客為主，客勝係心水選擇。
莫雷利亞出征場場入波
莫雷利亞同托盧卡喺今季常規賽同樣17戰得29分，莫雷利亞僅以較佳得失球差力壓托盧卡，從中可見彼此實力分野不大。莫雷利亞乃今季常規賽作客成績最佳球隊，不但9仗取得6勝1和2負，而且場場作客皆有士哥，無懼作客出戰任何對手。
同時，莫雷利亞於常規賽最後4仗作客取得連勝佳績，包括以1比0擊敗今仗對手托盧卡，而且聯賽連盃賽在內，莫雷利亞近7次作客取得2勝5和不敗成績。至於主場出擊嘅托盧卡雖然最後兩仗常規賽成功贏波，不過對手分別係無緣季後賽嘅迪祖亞拿及華拿古斯，因此贏波唔算太有說服力，今仗寧捧客勝。