英超快車激戰連場，利物浦今晚作客史篤城，要爭入前4名不容再失。「紅軍」後防雖然不穩，但係前線火力就屬頂尖，弗爆穆罕默德沙拿為首嘅攻擊線活力十足，考慮到利物浦近4次聯賽對住史篤城錄得全勝，明顯「格食格」，今仗有望再做史篤城剋星，1.45倍客勝若果嫌熱，可以揀紅軍讓一球嘅上盤。
（Now 624及LeSports周四凌晨4時直播）
利物浦上仗被車路士逼和1比1，該仗領隊高普喺正選陣容抽起沙迪奧文尼同羅拔圖法明奴，無論係戰術需要定乜原因都好，2位球星都可以叉足電應付呢輪快車，其中沙迪奧文尼上仗後備落場只係踢幾分鐘，完場後發晒脾氣，一肚火梗係要搵史篤城發洩啦！
主隊史篤城近況差勁，對上6仗聯賽只係贏過1次，近2次面對前列分子曼城同車路士都慘敗，2仗合共狂失11球，今仗撞正剋星利物浦更加冇運行。翻查紀錄，「紅軍」唔單止近4次聯賽對史篤城都贏晒，聯賽連盃賽在內，利物浦近3次作客史篤城亦可以凱旋而歸，格食格下上盤有計。