巴塞式進攻理念見成效
周四凌晨英超快車，1哥曼城主場迎戰「聖人」修咸頓。今季英超作客嚟到曼城主場嘅球隊大多折戟，而且多數大敗而回，其中就包括畀「藍月亮」5球血洗嘅利物浦，曼城聯賽近5主場有4仗贏對手3球或以上，可見領隊哥迪奧拿所崇尚嘅進攻足球絕非花拳繡腿玩玩吓，尤其呢仗主場出擊，面對實力差幾班嘅修咸頓，肯定唔會留手出盡全力，勢要進一步拉大榜首領先優勢，「讓球主客和」曼城讓2球，捧2.2倍讓球主勝。
（Now 621及LeSports周四凌晨4時直播）
同城死敵曼聯破門乏術，領隊莫連奴竟然話係因為球隊有太多攻擊球員，不過想進攻流暢又入到波，唔係齋喺前場囤積攻擊手咁簡單，曼城就證明到有好嘅戰術先至係破門王道，領隊哥迪奧拿加盟後不斷向班球員灌輸巴塞式進攻組織嘅理念，今季終於收到成效，至今球隊入球數冠絕英超，靠住強勁攻勢喺英超豪取11連勝，以8分優勢拋離緊隨其後嘅曼聯，穩坐榜首位置，佢哋弗到咁，有位英國球評家都斷言英超今季已經冇其他球隊可以阻到「藍月亮」封王，呢場主場作戰似乎勝券在握。
修咸頓對Big 6全敗
修咸頓近期表現一般，聯賽近3次客戰不勝仲輸咗2場，上仗作客仲淨吞利物浦3蛋，加上早前輸畀曼聯，聯賽至今對Big 6球隊全敗，可見以球隊人腳實力根本冇得同強隊鬥，聯賽上仗取勝都要多得對手愛華頓後防鬆懈，呢仗面對實力超卓嘅曼城防線肯定冇咁易偷到雞，睇好曼城以絕對優勢再下一城，讓球主勝唔好錯過。