今晚H組重頭戲，多蒙特主場迎戰熱刺，多蒙特若果想出線，今仗必須贏波之外，仲要同組皇馬失分先有價講，但多蒙特近況曳爆之餘，有傳眾將為逼走主帥保斯而Hea踢，問題多多憑乜讓波呀？寧捧熱刺1.62倍讓球客勝。
（有線64、203台及ICM有線流動版周三凌晨3時45分直播）
多蒙特依家落後次席皇馬5分，除咗今仗非勝不可外，仲要望「銀河艦隊」贏唔到尼科西亞，先至保持機會喺尾輪爭取大勝皇馬，藉較佳對賽成績反壓對手出線，聽落都知機會只得兩個：渺茫同冇機會。最弊係佢哋聯賽連盃賽在內，近8仗只係喺德國盃贏過低組別球隊馬格德堡，當中歐聯兩鬥弱旅尼科西亞都和波收場，搞到出線勢危。
多蒙特成績咁曳，有傳係眾將唔妥主帥保斯搞「兵變」，射手奧巴美揚上周3次操練遲到，上仗聯賽對史特加被罰內部停賽，陣中部分球員更選擇Hea踢，希望逼高層革扯保斯，生死戰都信唔過。穩奪出線權嘅熱刺造訪立立亂嘅「蜜蜂兵團」有力全身而退，受讓必捧讓球客勝。
皇馬作客照吔「私房菜」
同組皇馬作客尼科西亞，儘管隊長兼中堅沙治奧拉莫斯上仗聯賽撞爆鼻骨上陣成疑，但基於贏波就肯定出線，挾近3次對尼科西亞全部贏3球或以上嘅氣勢，作客可望大炒而回，讓球主客和讓兩球都要讓球客勝。