歐聯之後輪到歐霸盃出場，今晚D組AC米蘭主場對奧地利維也納，AC贏波就可出線，但呢支意甲老牌球隊近況走樣，歐霸盃連續兩輪悶和0比0，加上出線形勢樂觀，唔輸都冇壞，預料未必會太進取，中位數3.5球嘅1.63倍細盤屬穩陣之選。
（Now 632周五凌晨4時05分直播）
AC近4次主場冇波入
榜首AC米蘭領先第2位嘅AEK雅典兩分，拋離第3位嘅奧地利維也納4分，大把本錢喺手唔需要太搏。事實上AC自從10月開始，表現急插水，近9仗聯賽及盃賽只有2勝3和4負，最離譜係近4主場贏唔到之餘更冇波入。一直盛傳會落鑊嘅教練蒙迪拿捱到依家都未炒，睇怕短期內難有改善。
另邊廂，奧地利維也納如果今場贏唔到，隨時會出局，相信會焗攻。不過佢哋近5場歐霸盃只有1勝1和3負，去到聖西路入波機會唔大，3.5球細盤可取。