今晚英超頭場，車路士主場鬥紐卡素。衞冕嘅車仔自從10月初死火，接連不敵曼城及水晶宮後，已經重新撻着重回正軌，近6場聯賽5勝1和，包括擊敗「2哥」曼聯，重拾王者霸氣，今場有埋地利相信半場就夠KO對手，直取1.56倍半場主勝。（Now 621及LeSports周六晚8時30分直播）
車路士近6仗聯賽只於作客賽和利物浦一役失分，其餘全部贏晒，殺番上第3位。車仔回勇好大程度上係傷兵問題紓緩，特別係夏薩特、尼高路簡迪復出後，球隊攻守平衡大為提升。領隊干地喺周中快車對史雲斯又採取輪換制，正選收起夏薩特、域陀摩西斯及艾斯派古達，令呢3位主力獲得足夠休息，今場應會擔正搏殺。
喜鵲近況低迷
不過車仔主W得1.18倍冇肉食，讓球主客和要讓兩球風險亦大，睇番佢哋近4次聯賽主場對紐卡素，上半場都已取得領先優勢，最終更全部由頭贏到尾，「喜鵲」紐卡素近5場英超只得1和4負，近3次上半場俱落後，今場好大機會半場都頂唔住，車路士半場主勝有1.56倍，屬穩陣之選。