兩軍首戰試探為先
東亞錦標賽男足揭幕戰，上屆冠軍南韓對中國，雙方今次大軍名單同樣以副選出擊。南韓冇搵歐洲兵幫手，而國足主帥納比亦旨在發掘新血，包括徵召6位U22新人入伍，為重建鋪路。預料兩軍首仗會踢得謹慎先作試探，加上南韓近6仗東亞錦標賽有5仗總入球係2球或以下，首選中位數2.5球嘅入球細。
（Now 633周六下午3時30分直播）
金信煜前線孭飛欠卡士
南韓人腳來自韓職、日職及中超球會，中後場較多常規國腳，包括FC東京守將張賢秀、全北汽車左閘金珍洙、FC江原中場李根鎬。南韓鋒線只靠全北汽車射手金信煜擔大旗，級數略嫌不足。事實上南韓即使上屆捧盃，但3仗只得1勝2和，包括贏國足2比0，同日本踢成1比1及悶和北韓0比0，今屆應會沿用穩陣戰術。
國足無緣明年世盃決賽周後，主帥納比銳意改革，趁機試用新人，鄭智、郜林及武磊等多位常規國腳都冇入選。取而代之係何超、楊立瑜等6位U22小國腳，由於陣容變動大，默契難免不足，要攻入南韓防線有難度，預料今場入波數字唔會多。