中央陸軍焗攻求出線
歐聯分組賽最後一輪今晚展開，多組出線形勢明朗，好似A組榜首曼聯雖然數字上未出線，但佢哋今晚主場迎戰莫斯科中央陸軍，只要唔輸7球就可以晉級，今仗可輕鬆上陣；中央陸軍爭出線急需搶分，去到奧脫福球場都要焗攻，「紅魔鬼」反擊力屬世界級，預期會係精彩駁火，中位數2.5球嘅大盤有1.77倍咪錯過！
（有線64、203台及ICM有線流動版周三凌晨3時45分直播）
目前A組形勢曼聯以12分排榜首，巴素利同莫斯科中央陸軍同得9分，但係中央陸軍因對賽成績唔及巴素利屈居第3，意味呢支俄超勁旅，今輪必定要比巴素利拎到更多分數先可以晉級，無退路下焗住要全力搶攻攞分，再寄望巴素利失分，呢個局面亦係曼聯樂見。
副選紅魔搏表現必砌
曼聯今仗只要唔輸7球就可以晉級，基本上同出咗線冇分別。佢哋喺上輪英超贏阿仙奴一仗，展現極為厲害嘅反擊力，雖然嚟緊英超要同曼城踢榜首打吡戰，今仗可能畀部分主力休息，不過「紅魔鬼」前線人才濟濟，重傷初愈後已經4次後備上陣嘅伊巴謙莫域，一直等緊擔正機會，近期入雪櫃嘅桑馬達及米希達利恩等亦想證明自己，落場肯定會施展混身解數，火力唔使擔憂。
莫斯科中央陸軍每逢歐聯分組賽客場出擊，踢法都係「有前冇後」，近6仗分組賽作客獲2勝1和3負，但總入球數全開3球或以上，遇上行軍迅速嘅曼聯，中位數2.5球嘅大盤好路。