中日南北韓東瀛爭霸

中日南北韓東瀛爭霸

兩年一度嘅東亞錦標賽今日揭開戰幔！中國、日本、南韓、北韓男女足大鬥法！呢項賽事前身為上世紀90年代嘅皇朝盃，東亞足球協會於2002年成立後，2003年將賽事升格為東亞錦標賽。今屆於日本舉行，中日韓直入決賽周，另1席位由喺外圍賽脫穎而出嘅北韓取得。南韓連上屆在內，3次捧盃屬賽事大贏家，中國同日本就分別兩次及一次封王。賽事喺2005年增設女足賽，決賽周同樣有4隊參賽，首屆南韓女足奪冠，不過日本同北韓之後各有兩次捧盃，北韓女足今屆更係力爭3連霸偉業！