直播賽事禾夫斯堡主場對RB萊比錫，「狼堡」喺季初一度沉淪，好彩管理層識及時止血炒咗荷蘭籍主帥祖卡，改聘前緬恩斯教練嘅舒密特，而呢位瑞士教頭上任後亦交到貨，近8戰主場賽事保持不敗，最近2場仲連挫弗賴堡同慕遜加柏，信心返晒嚟。其中進攻核心尤路斯馬爾尼表現尤其出色，近3仗主場都有波入，加上又有老牌射手馬里奧高美斯坐鎮，絕對可以睇高一線。
萊比錫散晒讓波靠唔住
另邊廂，德甲「2哥」RB萊比錫自11月下旬起連續幾個星期「一周兩戰」，班波連抖氣嘅時間都冇，表現全面下滑，先喺聯賽作客慘吞賀芬咸4蛋，跟住仲喺歐聯分組賽煞科戰輸畀比錫達斯，要淪落踢歐霸，上仗聯賽面對下游分子緬恩斯都只係和局收場。
同時，頻密賽程亦令萊比錫多位主力受傷，包括中場核心科斯貝治同後衞烏柏美卡奴，傷疲交煎仲要作客，贏面真係唔高，馬會「讓球」萊比錫讓平半，禾夫斯堡下盤抵玩。