祖記擦私房菜冇甩拖
都靈打吡
今晚意大利盃8強上演「都靈打吡」，祖雲達斯主場迎戰拖連奴，近3屆意盃冠軍獎盃都落入祖雲達斯之手，可見呢支班霸對盃仔，都唔會放過。同埋佢哋近5次對拖連奴，取得4勝1和，其中4場勝仗都是贏2球或以上，明顯剋住呢支同市對手，可直取祖雲達斯讓球主勝。
（周四凌晨3時45分開賽）
雖然祖雲達斯今季聯賽失勢，被拿玻里壓住，但踏入季中已重拾霸氣，各項賽事近8仗取得7勝1和，包括喺聯賽擊敗兩支勁旅拿玻里同羅馬。上圈意盃主場亦以2比0輕取熱拿亞，今仗對手只係「私房菜」拖連奴，相信要再晉1級，更加容易。
因為祖雲達斯一向係拖連奴嘅剋星，雙方過往交鋒，祖記多數可以取得大勝，2年前意盃16強，祖雲達斯大炒拖連奴4比0，今季聯賽主場又再贈對手4蛋，可見兩隊實力相距非常懸殊。祖雲達斯今仗好大機會又大勝1仗。
拖連奴今季表現平平，早前意甲對升班球隊史帕爾，被對手逼和2比2，暴露防線不穩嘅問題。另外，拖連奴上月聯賽主場對另1支意甲勁旅拿玻里，以1比3落敗，今仗作客實力強橫嘅祖雲達斯，淨輸2球或以上亦好合理。