噴射機上齊彈藥炸水手

噴射機上齊彈藥炸水手

今日澳職兩場其中之一係強弱對壘，就係排第2位嘅紐卡素噴射機，喺主場對下游球隊中岸水手。噴射機近期狀態唔錯，前線火力強，今日有新兵洛迪古斯正式披甲，人腳更為完整，面對有主力被國家隊徵召嘅中岸水手，讓半一呢個上盤好穩陣。

（有線64及203台周二下午4時50分直播）

今個禮拜澳職將會密集式舉行兩輪比賽，繼尋日強豪FC悉尼向尾二嘅布里斯班獅吼「打劫」後，今日同聽日都有比賽，周五起會嚟另外一輪。講番今日場紐卡素噴射機，球隊今季場場聯賽都有波入，若果唔係主力箭頭奧當路雲仍然養傷缺陣，入球一定更加多。佢哋就算上場作客，要同榜首球隊FC悉尼正面對撼，一樣冇有怕全力開火，最後入到兩粒和波收場，都算有交待。

新援洛迪古斯登場

今日大家仲有一個焦點，就係可以睇吓新來投嘅重量級外援洛迪古斯對唔對辦嘞！如果佢可以即刻撻着，噴射機有望一飛衝天。其實呢隊波都唔只睇進攻嘅，防守上都有中堅保加特及後防艾雲胡積卡復出，預計攻守都有一定進步，再加上佢哋今季主場成績理想，7戰僅1敗，單計主場成績排第2，所以今日對全取3分非常有信心。

反觀中岸水手進攻上就麻麻地，最大影響就係冇咗要去踢國際賽嘅進攻中場丹尼爾達施華，更何況水手今季依舊不擅踢作客比賽，同噴射機啱啱相反，7場只贏過1仗；所以，你識點揀啦！