FC悉尼追擊殘陣獅吼
阿King今次推介一條過關3串1，以澳職布里斯班獅吼主場對FC悉尼，客勝作為重心。事關榜首FC悉尼大超班，近8場聯賽更加取得7勝1和，走勢非常凌厲，已領先次席紐卡素噴射機8分，加上對手布里斯班獅吼傷停問題非常嚴重，更加招架唔住FC悉尼來犯，客W得1.52倍熱透夠晒穩陣。
（有線64、203台及無綫myTV SUPER 303周一下午4時50分直播）
FC悉尼身為上季常規賽及季後賽雙料冠軍，實力喺澳職鶴立雞群，攻力尤其犀利，近期頻頻大炒對手，包括「打吡戰」作客大勝西悉尼流浪者5比0，主場更加贈珀斯光輝6蛋。前鋒保保已經有14球進帳，換言之平均1場入1球，效率極高，要攻破獅吼大門，並唔困難。
布里斯班獅吼傷兵停賽名單一大籮，中場麥特麥基同後衞艾蘭柏柏杜普路斯停賽，門將迪奧列托斯、中場沙朗巴迪、包菲迪、祖卡列堤、後衞法蘭積、諾夫受傷缺陣，成績自然差，近3場主場都輸波，今仗受讓都制唔過。
葡超費利拿「大」有作為
另外兩關可揀晒葡超，費利拿主場對樸迪莫倫斯，兩隊成績都麻麻，但勝在肯進攻，特別係費利拿近7場有6仗總入球達3球或以上，包括僅以2比3不敵勁旅波圖，一於再追入球大。另一關，費倫斯近5次作客艾斯杜尼，取得4勝1和，今場仲有得受讓，必揀讓球客勝。