今周法甲大戰，里昂主場迎戰巴黎聖日耳門（PSG）。里昂每逢主場對住PSG經常打爭氣波，對上4季聯賽只輸過1次，從未輸多過1球，里昂受讓一球、球半，1.97倍下盤抵捧。
（無綫myTV SUPER 303台周一凌晨4時直播）
里昂曾經創下法甲史無前例嘅7連霸偉業，雖然近年風頭輸晒畀PSG，但期間出過唔少好球員如比真歷及拿卡錫迪，戰鬥力一直都保持。里昂今季靠前皇馬小將馬里安奴、迪比同原有主力費基亞搵食，3人今季加埋入咗35個聯賽入球，況且里昂今季10仗主場聯賽只輸過1次，加上近年主場對PSG經常踢出超水準，近4季聯賽取得2勝1和1負，唯一敗仗係上季喺尾段失守僅負1:2，今晚頂到PSG唔奇。
PSG放甩太多或損決心
PSG作客勢頭明顯不及季初，最近1場作客只係1球小勝南特，贏波輸盤，加上PSG喺聯賽榜遙遙領先，求勝決心恐怕唔及需要力爭歐聯席位嘅里昂，PSG今仗作客讓一球、球半明顯太辣，捧里昂下盤先係上策。