德甲班霸拜仁慕尼黑今晚再度出擊，主場迎戰護級分子雲達不來梅。德仁目前喺德甲一枝獨秀，不過從來唔會因為咁就放軟手腳，尤其新加盟嘅德國射手辛度華拿今仗有望首度擔正，肯定盡力入球顯身價，拜仁讓球主客和讓兩球，照捧1.8倍讓主。
（Now 670、FoxSports Play、有線61、64、201及203台周日晚10時30分直播）
不來梅近6作客安聯全大敗
喺下月歐聯16強展開前，拜仁當然希望鞏固德甲榜首優勢，早前就喺賀芬咸簽入射手辛度華拿，呢位老將為踢今夏世盃，自然要把握每次落場機會，況且王牌射手羅拔利雲度夫斯基傷愈重披戰袍，夥拍辛度華拿、列貝利、洛賓及湯馬士梅拿等組成夢幻鋒線。
雲達不來梅近7仗聯賽拎到3勝2和2負成績，但仲排緊尾3為護級而掙扎，可惜佢哋球員質素同拜仁相差太遠，近6次作客安聯球場，不來梅全部至少輸3粒，堪稱拜仁嘅「私房菜」，今仗難阻主隊「大屠殺」。