至於較早時間開波嘅皇馬，就會坐鎮巴拿貝球場恭候拉科魯尼亞。皇馬喺聯賽「甩晒轆」只排緊第4，令主帥施丹飽受壓力，急需一場大勝為球隊洗甩頹風之餘，仲要力保前4嘅歐聯席位，上仗西班牙盃收起「BBC」組合，擺明留晒力落今仗度，肯定唔會留手喪攻。
皇馬半場大「拉」唔住
客隊拉科現排聯賽尾3，作客班拿貝焗攻搶分，好在回巢嘅箭頭盧卡斯佩雷斯保持水準，相信對「銀河艦隊」防線造成一定威脅，睇往績兩軍近5仗交手，有4次半場入球達2球或以上，一於捧中位數1.5球嘅1.62倍「半大」。
（Now 632周日晚11時15分直播）