另一場英足盃第4圈賽事，英乙紐波特郡主場越級挑戰英超勁旅熱刺，論牌面熱刺雖然比對手高三班，不過熱刺嚟緊即將進入魔鬼賽程，為免球員搏殘未必會去盡，作客讓2/2.5球太多，捧中位數3.5球嘅細盤仲划算。
（Now 633及ViuTV 99周日凌晨1時30分直播）
熱刺上一圈主場3比0大勝英甲球隊AFC溫布頓，正選陣容包括射手哈利卡尼、中場迪比利、雲耶馬及守將維頓等等，其餘主力孫興民、迪利阿里亦有後備落場，應付英足盃絕對唔係玩玩吓，不過熱刺嚟緊硬仗連場，下周中英超快車先喺主場硬撼曼聯，之後會鬥阿仙奴及利物浦，跟手再有歐聯16強首回合鬥祖雲達斯，就算今場繼續出強陣，相信落場球員都唔敢搏得太盡。睇番熱刺對上10仗作客比賽，只有1次淨勝對手3球或以上，讓球盤熱刺讓2/2.5球唔太值博。
紐波特郡近5戰4勝夠硬淨
紐波特郡上兩圈分別淘汰比自己高班嘅英甲華素爾同英冠列斯聯，而且佢哋踏入2018年後5場比賽4勝1和，狀態、士氣Keep得唔錯，主場出擊未必冇得打，大細中位數去到成3.5球，波童建議捧細盤。