車路士及時反彈
今晚另一場英超，聯賽榜「3哥」車路士主場迎戰般尼茅夫。車路士上周中於英格蘭聯賽盃4強出局，好在之後喺足總盃以3比0大勝紐卡素，總算及時反彈，代替艾華路莫拉達出任箭頭嘅巴舒亞伊該仗梅開二度，狀態唔錯，就算前者繼續養傷，「藍戰士」仲有夏薩特、韋利安等一班進攻好手，攻力仍然有保證，加上近5次對般尼茅夫，有4次半場就領先，一於吼有1.6倍嘅半場主勝。（Now 623及LeSports周四凌晨3時45分直播）
般尼茅夫作客遇強即屈
般尼茅夫今季作客強隊例腳軟，面對阿仙奴、愛華頓、熱刺、曼聯及曼城等聯賽榜前10名球隊全部輸晒，而且般尼茅夫連續11仗聯賽有失波，防線極之唔穩陣。再睇埋對賽往績，車仔近5次對般尼茅夫錄得全勝，當中4仗早早喺半場就領先對手，奠定勝局，今場主Ｗ太熱冇分頭，要博車仔贏兩球又略嫌冒險，半場主勝屬穩陣之選。