西班牙盃4強戰首回合，周五凌晨巴塞隆拿將會先在主場擺陣迎戰華倫西亞。巴塞近期走勢繼續所向披靡，尤其兩位進攻核心美斯同蘇亞雷斯腳風大順，兩人近3仗合共炮製8球，攻力勢不可擋，面對狀態低迷嘅華倫，有望佔主場之利大破對手，中位數3.5/4球，1.85倍大盤值博。
（周五凌晨4時30分開賽）
巴塞1月轉會窗破轉會費紀錄買入菲臘比古天奴，不過啱啱加盟磨合需時，奧士文尼迪比利又頻頻受傷，結果巴塞入波都係要靠番美斯同蘇亞雷斯，好彩兩位老大哥亦表現神勇，尤其蘇亞雷斯聯賽近8仗場場開齋，美斯就一如既往表現超班，有佢兩個在陣巴塞鋒力毋庸置疑。而且巴塞上次喺西盃主場面對華倫，就以7比0大比數羞辱對手，呢場絕對有力再取大勝。
相反開咧氣勢如虹嘅蝙蝠軍團近期走勢下滑，聯賽先後輸畀拉斯彭馬斯同皇家馬德里擊敗慘吞兩連敗，上仗西盃作客仲喺法定時間畀艾拉維斯擊敗，加上後防核心謝臣梅里路未必趕及大戰前復出，防線隱患無窮，邊有力阻到巴塞弗爆嘅進攻組合，入球大走唔甩。