重賽專家
英格蘭足總盃第4圈重賽，熱刺將會返到溫布萊球場再鬥乙組仔紐波特郡。熱刺應付英足盃重賽不嬲駕輕就熟，對上6次全部贏波過關，當中5次開4球或以上，最緊要係熱刺一班主力弗到爆，好似唔洗抖咁，同時兼顧多條戰線都冇問題，尤其哈利卡尼今屆英足盃已入3球，今仗有望再數胡，中位數3.5球入球大博得過。
（Now 633及ViuTV 99周四深夜3時45分直播）
上次作客紐波特郡，熱刺主帥普捷天奴未有因要留力對曼聯而收起主力，哈利卡尼同迪比利等主力全數正選上陣，可見呢位阿根廷教頭對班波嘅體能狀態絕對有信心，就算未來2仗要硬撼阿仙奴及祖雲達斯都冇有怕，為爭晉級呢場相信不會盡用副選。況且熱刺後備席上嘅雲耶馬同拉美拿等球員質素都有番咁上下，尤其前者上仗對利物浦就轟入靚絕世界波，技驚四座狀態返晒嚟，熱刺整體戰力無庸置疑。
主場炒得起紐波特郡
而且熱刺上次作客紐波特郡憑靠哈利卡尼入波逼和對手1比1，呢仗返到主場出擊，晉級機會極大，皆因熱刺對上6次喺英足盃重賽未失過手，當中5次開4球或以上，加上熱刺聯賽連盃賽，近8仗主場獲7勝1和，仲狂入25球，包括上仗主場以2比0擊敗曼聯，信心同狀態皆有保證，紐波特郡呢場注定做炮灰，今仗讓主［-3］太辣，轉捧入球大［3.5球］會係唔錯嘅選擇。