今晚英超早場水晶宮主場迎戰紐卡素。水晶宮自領隊鶴臣接手後重回正軌，近10仗主場5勝4和1負，上仗聯賽賓迪基亦打破入球荒；紐卡素1月轉會窗雖然簽得施利文尼同羅拔堅尼地，但整體實力依然麻麻，水晶宮小讓平半，要1.74倍上盤。
（Now 621及LeSports周日晚10時15分直播）
1月轉會窗各英超球會買賣頻密，但水晶宮就冇乜大動作，最矚目只係買入22歲嘅挪威前鋒阿歷山大索洛夫，睇嚟鶴臣對球隊原有班底充滿信心，事實上水晶宮現時能脫離降班區，鶴臣可謂居功至偉，近5仗聯賽只輸1場，曾逼和過「1哥」曼城，今晚有雙箭韋費特沙夏及賓迪基坐鎮，再添3分唔係難事。
紐卡素班底有限，加上球會轉手問題未解決，影響埋表現，雖然賓尼迪斯幾經辛苦終於簽入羅拔堅尼地同施利文尼兩位新兵，但後者有傷在身今晚未必落場，睇嚟冇咁快可以擺脫近4仗不勝嘅頹風，撐主隊穩陣。