另1場歐聯16強首回合，烏克蘭勁旅薩克達主場迎戰意甲代表羅馬，薩克達今屆踢法充分娛樂性，6仗分組賽之中，有5仗總入球達3球或以上，今仗主場出擊必主攻爭勝。至於羅馬聯賽3連勝狀態回勇，無懼與對手駁火，捧中位數2.5球嘅大盤最穩陣。
（有線62及202台周四凌晨3時45分直播）
薩克達今屆分組賽壓過另一支意甲球隊拿玻里及荷甲冠軍飛燕諾、僅屈居曼城之下以小組次名出線，其中分組賽主場3戰全勝，主場威力非同小可，不過佢哋作客成績麻麻地，為咗唔想作客羅馬陷入劣勢，當然要把握首回合有地利之利，力爭贏多幾粒。
近4次歐聯對賽共入13粒
另一邊廂，羅馬曾於早前陷入連續7仗不勝困局，但踏入2月份聯賽連贏3場，表現已重返正軌。事實上，羅馬喺今屆歐聯表現亦非常進取，其中作客英超勁旅車路士與對手鬥攻，最終踢成3:3成為經典之一，相信羅馬今次遠赴烏克蘭比賽絕對唔會退縮。翻查往績，兩軍過去4次於歐聯碰頭一共合力炮製13個入球，當中3次總入球達3球或以上，預計今次再有機會合演入球騷。